TED Talks with Macedonian transcript

Рејмонд Венг: Како бактериите патуваат во авионите -- и како да го спречиме тоа

TEDYouth 2015

Рејмонд Венг: Како бактериите патуваат во авионите -- и како да го спречиме тоа
1,785,889 views

Рејмонд Венг има само 17 години, но веќе придонесува за градењето на поздрава иднина. Користејќи флуидна динамика, тој направил компјутерски симулации за тоа како се движи воздухот во авионите. Она што го открил е вознемирувачко. Кога некоја особа ќе кивне во авион, движењето на воздухот овозможува да се прошират патогените до другите патници. Венг со нас споделува две работи. Анимација за тоа како кивавицата патува во внатрешноста на авионот и решение за овој проблем, за кое воедно добил награда. Тоа е направа која го зголемува протокот на свеж воздух во авионите и која го отстранува загадениот воздух.

Регина Хартли: Зошто најдобриот кандидат можеби ја нема најдобрата работна биографија?

TED@UPS

Регина Хартли: Зошто најдобриот кандидат можеби ја нема најдобрата работна биографија?
3,810,824 views

Кога постои избор помеѓу кандидат со совршена работна биографија и кандидат кој се борел со тешкотии, Регина Хартли, директорка за човечки ресурси, секогаш им дава шанса на „Борците“. Хартли, која самата израснала низ тешкотии, добро знае дека оние кои успеваат во најмрачните места имаат сила да издржат во услови на постојани промени на работни места. „Одберете го потценетиот натпреварувач чие тајно оруже е страста и целта“-вели таа. „Одберете го „Борецот“!

Карл Сафина: Што размислуваат и чувствуваат животните?

Mission Blue II

Карл Сафина: Што размислуваат и чувствуваат животните?
2,209,094 views

Што се случува во мозокот на животните? Можеме да знаеме што размислуваат и чувствуваат и дали воопшто тоа го прават? Карл Сафина смета дека можеме. Со примена на откритија и анегдоти од областа на екологијата, биологијата и бихевиоралната наука тој ги спојува приказните на китовите, волците, слоновите и албатросите за да потврди дека како што ние размислуваме, чувствуваме, употребуваме алати и изразуваме емоции, истото го прават и другите живи суштества и умови кои ја делат планетата Земја со нас.

Андреас Екстром: Моралните убедувања зад вашите интернет пребарувања

TEDxOslo

Андреас Екстром: Моралните убедувања зад вашите интернет пребарувања
1,508,323 views

Интернет пребарувачите станаа нашиот најверен извор на информации и арбитар на вистината. Но, дали воопшто можеме да добиеме објективни резултати од пребарувањата? Шведскиот автор и новинар Андреас Екстром, тврди дека такво нешто е филозофска невозможност. Во неговиот содржаен говор тој повикува да ги зајакнеме врските помеѓу технологијата и хуманистичките науки и нé потсетува дека зад секој алгоритам постои збир на лични убедувања кои ниту една шифра не може да ги искорени.

Мелиса Флеминг: Брод со 500 бегалци потона во морето. приказна за двајцата преживеани

TEDxThessaloniki

Мелиса Флеминг: Брод со 500 бегалци потона во морето. приказна за двајцата преживеани
1,650,470 views

На брод претоварен со повеќе од 500 бегалци, една млада жена станува неверојатен херој. Ова едноставна, силна приказна раскажана од Мелиса Флеминг, претставник на Агенцијата за бегалци при Обединетите Нации, ги отсликува човечките животи во нивниот обид да пребегнат кон подобар живот...додека бегалските бродови наидуваат...

Том Углов: Интернетот без екрани би можел да изгледа вака

TEDxSydney

Том Углов: Интернетот без екрани би можел да изгледа вака
1,688,214 views

Дизајнерот Том Углов креира иднина во која љубовта на човекот кон природни решенија и едноставни алатки коегзистира со нашата потреба за информации и уредите кои ни овозможуваат пристап до тие информации.“ Реалноста е побогата од екраните,“ вели тој. „Можеме да имаме свое среќно место исполнето со сакани информации, место во кое ќе се чувствуваме комотно и природно."

Џенифер Даудна: Сега можеме да ја менуваме нашата ДНК-но, да го правиме тоа мудро

TEDGlobal>London

Џенифер Даудна: Сега можеме да ја менуваме нашата ДНК-но, да го правиме тоа мудро
2,545,474 views

Генетичарот Џенифер Даудна, во соработка со други научници откри нова, револуционерна технологија за промена на гените, наречена CRISPR-Cas9. Новата алатка им овозможува на научниците да направат прецизни промени на ДНК низите, што би можело да доведе до лекување на генетски заболувања, нo истотака би можела да се употреби и за создавање на т.н. `дизајнирани бебиња`. Даудна објаснува на кој начин функционира CRISPR-Cas9 обраќајки се до научната заедница да запрат и да продискутираат за етичкиот аспект на новата алатка.

Тејтур: Домот е песната што секогаш ја паметам

TED2015

Тејтур: Домот е песната што секогаш ја паметам
1,081,389 views

За музичарот Тејтур, да се пее, значи да се даде дел од себе на другите. „Ако вашите намери се да ги воодушевите останатите или да добиете голем аплауз на крајот“, вели тој, „тогаш вие земате, не давате“. Слушнете го како пее на сцената на TED2015, две нумери за љубовта, далечината и домот.

Емили Вапник: Зошто некои од нас имаат повеќе занимања

TEDxBend

Емили Вапник: Зошто некои од нас имаат повеќе занимања
6,288,420 views

Што сакаш да бидеш кога ќе пораснеш? Ако не сте сигурни дека сакате да правите само една работа до крајот на животот, не сте единствени. Во овој просветлувачки говор, Емили Вапник, писател и уметник, ги опишува луѓето кои ги нарекува „мулти-потенцијалисти“-кои поседуваат низа на интереси и занимања во текот на животот. Дали сте вие еден од нив?

Семјуел Коен: Алцхајмер не е природно стареење-можеме да  ја излечиме.

TED@BCG London

Семјуел Коен: Алцхајмер не е природно стареење-можеме да ја излечиме.
2,161,085 views

Повеќе од 40 милиони луѓе во светот страдаат од Алцхајмерова болест и се очекува таа бројка драстично да порасне во наредните години. Во последните сто години од нејзиното класифицирање, не е направен вистински напредок во борбата против оваа болест. Научникот Семјуел Коен го споделува новото научно откритие произлезено од истражувањето на Алцхајмеровата болест во неговата лабораторија како и пораката за надеж. „ Алцхајмер е болест,“ вели Коен, “ и ние можеме да ја излечиме“.

Мајкл Кимел: Зошто родовата еднаквост е добра работа за сите-вклучително и за мажите.

TEDWomen 2015

Мајкл Кимел: Зошто родовата еднаквост е добра работа за сите-вклучително и за мажите.
1,900,627 views

Да, сите знаеме дека тоа е исправно. Но, Мајк Кимел, на практичен и забавен начин зборува за еднаквост на улогите на мажите и жените во домот и на работните места. За него тоа не е игра во која само еден победува туку игра во која двете страни се победници и која на сите им дава повеќе можности и поголема среќа.

ел Сид: Улична уметност со порака за надеж и мир

TED2015

ел Сид: Улична уметност со порака за надеж и мир
1,538,815 views

Роден во Франција во тунижанско семејство, ел Сид ужива да плива во различни култури, јазици и идентитети. Не е исклучок и неговата уметност, која вклучува арапска поезија во стил кој е инспириран од уличната уметност и графити. Во овој тивок, но страствен говор, уметникот и TED Пријател ја опишува неговата главна амбиција: да создаде уметност која е толку убава што нема потреба од превод.

Ној Трапај: Трговијата со бело робје е насекаде околу вас. Еве како функционира

TED2015

Ној Трапај: Трговијата со бело робје е насекаде околу вас. Еве како функционира
1,925,619 views

Позади секојдневните евтини работи што ни причинуваат задоволство - маникирот од 10 долари, неограничените ракчиња - е скриен светот на присилната работа која прави овие цени да бидат навистина ниски. Ној Трапај ја истражува трговијата со бело робје -- која цвета во САД и Европа, како и во земјите во развој -- и ни ги покажува човечките лица кои се дел од експлоатираната работна сила која ги храни консументите од целиот свет.

Јасмин Абдел-Магиед: Што значи мојата шамија за вас?

TEDxSouthBank

Јасмин Абдел-Магиед: Што значи мојата шамија за вас?
2,136,401 views

Несвесните убедувања се движечка сила во една култура кои преовладуваат и делуваат врз луѓето и нивните претстави во врска со потеклото и влијанијата. Овие неизречени предрасуди се однесуваат на многу нешта и време е да станеме поразумни, помудри и подобри. Во овој забавен и искрен говор, Јасмин Абдел-Магиед употребува еден необичен начин да не` предизвика сите нас да гледаме над нашите првични согледувања.

Естер Перел: Естер Перел: Неверството во поинакво светло... Говор за секој кој некогаш љубел

TED2015

Естер Перел: Естер Перел: Неверството во поинакво светло... Говор за секој кој некогаш љубел
12,924,197 views

Неверството претставува највисок облик на предавство. Но, дали мора така да биде? Терапевтот за врски, Естер Перел, истражува зошто луѓето изневеруваат, и открива зошто аферите се толку трауматични: затоа што ѝ се закануваат на нашата емоционална сигурност. Во неверството - таа забележува нешто неочекувано - израз на чезнеење и загуба. Говор кој мора да го погледне секој кој некогаш изневерил, или го изневериле, или пак, кој едноставно сака да го освежи својот поглед за тоа како да ги разбере врските.

Елисон Килинг: Постои подобар начин за умирање и архитектурата може да помогне

TEDGlobal 2014

Елисон Килинг: Постои подобар начин за умирање и архитектурата може да помогне
1,291,788 views

Во овој кус, провокативен говор, архитектот Елисон Килинг се осврнува на зградите во кои се случува смртта и умирањето-гробишта, болници, домови. Начинот на умирање се менува како и начинот на кој градиме за оние кои умираат..односно, можеби и тој треба да се промени. Неочекувано фасцинантен осврт на еден скриен аспект на градовите и нашите животи.

Итан Неделман: Зошто треба да ја запреме војната против дрогата

TEDGlobal 2014

Итан Неделман: Зошто треба да ја запреме војната против дрогата
1,859,965 views

Дали војната против дрогата носи повеќе штета откоку корист? Во својот храбар говор, Итан Неделман, реформатор на законот за дрога, страствено апелира да го завршиме ова „заостанато, безмилосно и унуштувачко“ движење и да ја искорениме трговијата со дрога. Тој ни дава две значајни причини зошто треба да се фокусираме на интелигентно решение на овој проблем.

Алеандро Аравена: Мојата архитектонска филозофија? Вклучете ја заедницата во процесот

TEDGlobal 2014

Алеандро Аравена: Мојата архитектонска филозофија? Вклучете ја заедницата во процесот
1,902,171 views

Кога пред десет години, ја доби задачата да изгради сто семејни живеалишта во Чиле, Алеандро Араваена се сврти кон една необична инспирација: мудроста на фавевилите и сиромашните квартови. Наместо да изгради огромна зграда со мали станови, тој изгради флексибилни, полу-живеалишта кои семејствата можеа да ги прошируваат. Проблемот беше сложен, но имаше едноставно решение кое дојде како резултат на заедничката работа со семејствата. Со помош на табла и чудесни фотографии, Аравена нѐ запознава со трите проекти кои на мудар начин создадоа прекрасен дизајн.

Хозе Мигел Соколоф: Како божиќните светилки им помогнаа на герилците да го положат оружјето

TEDGlobal 2014

Хозе Мигел Соколоф: Како божиќните светилки им помогнаа на герилците да го положат оружјето
801,074 views

Колубија е земја со исклучителна убавина и ветувања, но исто така и земја каде што герилското движење F.A.R.C. поттикнува насилство веќе 50 години. „Во мојот животен век, немам доживеано еден ден мир во мојата земја.“, вели Хозе Мигел Соколоф. Овој маркетинг-извршител, заедно со својот тим открил можност како да повлијае на герилските срца и умови со божиќни дрвца и лични пораки, стретегиски поставени низ џунглата. Ова е осврт на креативните пораки кои наведоа илјадници герилци да ја напуштат војната, и на кључните размислувања кои стојат зад овие изненадувачки тактики

Шаи Решеф: Ултра-ниско-буџетна факултетска диплома

TED2014

Шаи Решеф: Ултра-ниско-буџетна факултетска диплома
6,207,143 views

На онлајн Универзитетот на Луѓето, секој со завршено средно образование може да се здобие со диплома за бизнис администрација или компјутерски науки — без стандардните трошоци за школарина (иако за испититие не се бесплатни). Основачот Шаи Решеф се надева дека високото образование се менува "од тоа да е привилегија за неколку, во основно право достапно за сите."

Ен Керзан: Што го прави зборот вистински

TEDxUofM

Ен Керзан: Што го прави зборот вистински
1,817,898 views

Можеме да расправаме за тоа дали жаргоните ‘hangry,’ ‘defriend’ и ‘adorkable’ пополнуваат значајни празнини во англискиот јазик иако не се појавуваат во речник. Навистина, кој всушност одлучува кои зборови ќе се стават на овие грижливо чувани страници? Ен Керзан, историчар на јазик, на симпатичен начин се осврнува на луѓето кои стојат зад речниците и на промените кои постојано се случуваат.

Вил Потер: Шокантниот потег да се криминализира ненасилниот протест

TED2014

Вил Потер: Шокантниот потег да се криминализира ненасилниот протест
1,113,112 views

Во 2002, истражувачкиот новинар и соработник на TED, Вил Потер одлучи да го промени својот работен ритам, пишувајќи за пукања и убиства за „Чикаго Трибјун“. Отиде да помогне на локална група која водеше кампања против тестирањето врз животни: „Мислев дека тоа е правилен начин за да направам нешто позитивно,“ вели тој. Наместо тоа, тој беше уапсен, и така започна неговото патешествие во светот, во кој мирниот протест е етикеtиран како тероризам.

Дан Гилберт: Психологијата на твоето идно јас

TED2014

Дан Гилберт: Психологијата на твоето идно јас
3,907,740 views

„Човечките суштества се работа во прогрес кои што погрешно мислат дека се завршени.“ Дан Гилберт споделува неодамнешно истражување за феноменот наречен „илузија за крај на историјата“, каде што ние на одреден начин замислуваме дека личноста која сме сега, е личноста која ќе бидеме во остатокот на животот. Помош: тоа не е случај.

Сајмон Сајнек: Зошто добрите лидери прават да се чувствуваш безбедно

TED2014

Сајмон Сајнек: Зошто добрите лидери прават да се чувствуваш безбедно
9,920,354 views

Што е она што го прави добриот лидер? Менаџментскиот теоретичар Сајмон Сајнек предлага, тоа е некој што прави нивните вработени да се чувствуваат сигурно, кој ги привлекува вработените во круг на доверба. Но, создавањето доверба и сигурност — поготово во нееднаква економија — значи преземање голема одговорност.

Зиаудин Јусафзаи: Мојата ќерка, Малала

TED2014

Зиаудин Јусафзаи: Мојата ќерка, Малала
2,434,063 views

Пакистанскиот педагог Зиаудин Јусафзаи го потсетува светот на едноставната вистина која многумина не сакаат да ја слушнат: жените и мажите заслужуваат еднакви можности за образование, автономија и независен идентитет. Тој раскажува приказни од својот живот и од животот на својата ќерка, Малала, која беше застрелана од страна на Талибанците во 2012 едноставно затоа што се осмели да оди на училиште. „Зошто мојата ќерка е толку силна?“, прашува Јусафзаи. „Затоа што не ѝ ги потсеков крилјата.“

Кристофер Рајан: Дали сме дизајнирани да бидеме сексуални сештојади?

TED2013

Кристофер Рајан: Дали сме дизајнирани да бидеме сексуални сештојади?
2,140,263 views

Една идеја го обликува нашиот модерен начин на гледање на врските: дека мажите и жените отсекогаш се одвојуваат како пар во сексуалните врски. Но пред појавата на земјоделството, можно е луѓето да биле доста промискуитетни. Авторот Кристофер Рајан нѐ води низ контроверзните докази дека луѓето се секусални сештојади по природа, со надеж дека едно посовремено сфаќање може да придонесе за крај на дискриминацијата, срамот и нереалните очекувања кои ги убиваат врските.

Пол Пиф: Дали парите ве прават злобни?

TEDxMarin

Пол Пиф: Дали парите ве прават злобни?
3,471,224 views

Неверојатно е што може да открие една наместена игра на "Монопол." Во овој забавен, но отрезнувачки говор, социјалниот психолог Пол Пиф го споделува своето истражување за тоа како се однесуваат луѓето кога се чувствуваат богати. (Сугестија: лошо.) И додека нееднаквоста е сложен и обесхрабрувачки проблем, сепак има и добри вести. (Снимено на TEDxMarin.)

Ендрју Соломон: Депресија, тајната која ја делиме

TEDxMet

Ендрју Соломон: Депресија, тајната која ја делиме
9,189,775 views

"Спротивноста на депресијата не е среќата, туку виталноста, и токму виталноста се одлеваше од мене во тој момент." Во говор кој е еднакво елоквентен и поразителен, писателот Ендрју Соломон ве води во најмрачните делови на неговиот ум, во годините кога се борел со депресија. Борба која го поттикнала да замине на просветлувачко патување низ светот за да интервјуира други луѓе со депресија -- само за да открие дека колку повеќе зборувал, толку повеќе луѓето му ги кажувале своите приказни. (Снимено на TEDxMet.)

Стивен Кејв: Четирите приказни кои си ги кажуваме за смртта

TEDxBratislava

Стивен Кејв: Четирите приказни кои си ги кажуваме за смртта
2,409,672 views

Филозофот Стивен Кејв започнува со едно мрачно, но неодоливо прашање: Кога за првпат сте сфатиле дека ќе умрете? И уште поинтересно: Зошто ние луѓето толку често се спротивставуваме на неизбежноста на смртта? Во овој фасцинантен говор Кејв прикажува четири наративи -- заеднички за сите цивилизации -- кои си ги кажуваме самите на себе "за да го пребродиме ужасот од смртта."

Дејвид Ленг: Мојот подводен робот

TED2013

Дејвид Ленг: Мојот подводен робот
1,300,818 views

Дејвид Ленг е креатор кој сам без ничија помош станал аматерски океанограф -- или попрецизно научил еден робот како да биде. Во овој шармантен говор Ленг, TED Пријател, покажува како тој со една група, љубители на океанот, се здружиле за да изградат слободно-достапни и ефтини подводни роботи-истражувачи.